ავთო ვარაზი

ავთო ვარაზი

მხატვარი
ოფიციალური სახელი: ავთანდილ ვარაზაშვილი
დაბადების თარიღი: 25 ოქტომბერი, 1926
დაბადების ადგილი: ქ. თბილისი.

გარდაცვ. თარიღი: 3 მარტი, 1977 (50 წლის ასაკში)
დაკრძალვის ადგილი: საბურთალოს პანთეონი, თბილისი

ბიოგრაფია
დაამთავრა თბილისის პოლიტექნიკური ინსტიტუტის არქიტექტურის ფაკულტეტი 1948 წელს.
ავთო ვარაზი ქართული მხატვრობაში პირველი იყო ვინც კოლაჟის ტექნიკა გამოიყენა. მის შემოქმედებაში ყოველთვის მნიშვნელოვანი ადგილი ეკავა რელიგიურ მოტივებს. წლების განმავლობაში მუშაობდა სამუზეუმო ექსპოზიციის გაფორმებაზე. მან მხატვრულ გაფორმებაში მთავარ მაორგანიზებელ ელემენტად ფერი აქცია, სადაც მნიშვნელოვანი ობიექტები ფერადოვანი აქცენტების მეშვეობით იყო გამოყოფილი: 1961 წელს ჯანაშიას მუზეუმის არქეოლოგიური განყოფილების გამოფენა, ფეოდალიზმის ეპოქის განყოფილების გამოფენა; რუსთაველისადმის მიძღვნილი გამოფენა სურათების გალერეაში; ლიტერატურული მუზეუმი; იოსებ გრიშაშვილის და გიორგი ლეონიძის სახლ-მუზეუმები. მხატვრულად გააფორმა აგრეთვე რეჟისორ გიორგი შენგელაიას კინოფილმი “ფიროსმანი”, სადაც ფიროსმანის როლი მანვე შეასრულა (1969). მისი ტილოები მსოფლიოს მუზეუმებშია წარმოდგენილი, მაგრამ ზოგიერთი ნამუშევრის ბედი დღემდე უცნობია. მხატვრის ნამუშევრებიდან “ხარის თავი” ნიუ-ორკის “მოდერნ არტის” მუზეუმში ინახება, მეორე, კვლავ “ხარის თავის” სახელწოდებით, თუმცა სინამდვილეში “კრავის თავს” წარმოადგენს – აშშ-ის ზიმერლის ნონკომფორმისტულ მუზეუმში; მესამე, “ხარის თავი” – ალექსანდრე გლეზერთან პარიზში, ხოლო “რვაფეხა” კი კოსტაკისის კერძო კოლექციაში საბერძნეთში. მისი 15 ნამუშევარი საქართველოს ეროვნულ მუზეუმში, ასევე, ქუთაისის, ცაგერის, ამბროლაურის და სენაკის სახვითი ხელოვნების მუზეუმებში ინახება.

Leave a Comment

Your email address will not be published. Required fields are marked *

Scroll to Top